கவர்ச்சி நடிகையின் குத்தாட்டத்தில் காணாமல் போன கன்னியாக்குமரி

கன்னியாகுமரி மாவட்டம் மருங்கூர் என்ற இடத்தில் கடற்கரையோர ஹோட்டல் ஒன்றின் நீச்சல்குளத்தில் உயிரின் எடை 21 கிராம் என்றபடத்தின் படப்பிடிப்பு நடைபெற்றது. கவர்ச்சி நடிகை ரேவதி ஆடிய நடனக் காட்சி படமாக்கப்பட்டது. ரேவதி ஆடி ஆட்டத்தை அப்பகுதியைச் சேர்ந்த பெரும் திரளான மக்கள் திரண்டு வந்து பார்த்து ரசித்தனர்.

இந்திரஜித் என்ற இசையமைப்பாளர் கி.மு., சாமிடா, தண்டாயுதபாணி ஆகிய படங்களுக்கு இசையமைத்துள்ளார். தற்போது இவர் யார் வேண்டுமானாலும் கதையின் நாயகனாகி விடலாம் என்ற புதிய விதிப்படி திடீரென இவரே ஹீரோவாகி விட்டார். படத்தை இவரே இயக்கவும் செய்கிறார். இவருக்கு ஜோடியாக நடிப்பவர் வினிதா.

இப்படத்தின் இறுதிக் கட்ட காட்சிகளை குமரி மாவட்ட கடலோரப் பகுதிகளில் எடுத்து வருகின்றனராம். மருங்கூர் என்ற இடத்தில் உள்ள ராமனாதிச்சம்புதூரில் உள்ள ஒரு ஹோட்டலில் உள்ள நீச்சல் குளத்தில் பாடல் காட்சி ஒன்றை படமாக்கினர்.

இதில் கவர்ச்சி நடிகை ரேவதி, கவர்ச்சி சொட்டச்சொட்ட ஆடிப் பாடிய குத்துப் பாட்டை படமாக்கினர். இந்தக் காட்சி படமாவது அறிந்து அக்கம் பக்கத்து கிராம மக்கள் ஓடோடி வந்து விட்டனர். நீச்சல்குளத்தை கவர்ச்சிக் களமாக்கி ஆடிக் கொண்டிருந்த ரேவதியையும், அவரது ஆட்டத்தையும் பார்த்து ரசித்தனர்.